Lengsér ngalungsar
Neuteup tumpukan Prasasti
Lebah tilemna Sang Prabu
Nyanding Kujang karahaan
Lambat-lambut nyarita :
"Duh Prabu...
Pajajaran geus lila ilang dangiang
Leungiteun tapak,
Leungiteun udagan,
Duh Prabu...
Tatar Pasundan uyup-ayap
Nataran Sajarah nu paburisat
Leungiteun lontar,
Leungiteun wangsit.
Duh Prabu...
Sésa ngaran Pajajaran ngan sajuru
Leungiteun kasaktén,
Leungiteun pantun."
Geleger sora
Kacipta bari ngalimba :
Paman Léngsér
Sakumaha dina uga
Nu kacatet dina wangsit
Tarimakeun saaya-aya.
Yoseph Iskandar
(Tina kumpulan Sajak Tumbal)
Tidak ada komentar:
Posting Komentar